БЕОҐРАД – Просвитни роботнїки нєзадовольни з процентом пенєжу хтори предвидзени з державним буджетом за 2016. рок, та место три одсто бруто домашнього продукту (БДП), кельо им шлїдзи, вимагаю шейсц одсто, преноши РТВ.
Понеже Сербия на драги ґу Европскей униї, Уния синдикатох просвитних роботнїкох Сербиї (УСПРС) поволала Владу Сербиї же би у 2016. року направела ребаланс буджету, хтори место три, за образованє опредзелї шейсц одсто БДП, кельо просек у ЕУ.
Руководитель ресору за финансиї, аналитку и членство УСПРС Владимир Аджич оценєл же буджет просвити за 2016. рок ище нє на урованю з 2014. року, а предсидателька Униї Ясна Янкович гварела же образованє и далєй за державу представя трошок.
Додала же 1. януара 2016. року здогаднє министра просвити, науки и технолоґийного розвою Срдяна Вербича на його вияву же „кед нє будзе платни катеґориї, вон сиґурно вецей нє будзе министер”.