ҐОСПОДЇНЦИ – Концом прешлого тижня у парохийним доме грекокатолїцкей церкви у Ґосподїнцох отримана Рочна схадзка Церковного одбору (ЦО).
Схадзку водзел предисидатель Церковного одбору Владимир Иванов, котри винєсол финансийни звит и звит о означованю Кирбаю, а на схадзки прилапене же би ше видаванє столкох з 200, звекшало на 300 динари, бо цена нє звекшована од 2008. року. Прешлого року у церкви видати 21 столок, цо менєй як скорейши роки.
На схадзки ЦО парох ґосподїнски о. Михаил Холошняй предложел же би парохия конкуровала з проєктом за оправянє столкох у церкви, на хтори би требало положиц нови шедалки, з чим ше члени Одбору зложели.
На Рочней схадзки ЦО винєшене же ґосподїнски парохиянє и прешлого року помагали церкву за швета, а члени Одбору поряднє отримовали роботни акциї и ушорйовали парохию.
Попри членох ЦО и пароха, на Рочней схадзки присуствовали и дзепоєдни парохиянє.
