БЕОҐРАД ‒ У Беоґрадзе, у грекокатолїцкей церкви Кирила и Методия у Крунскей улїци 23, всоботу, на 16 годзин, преславена Пасха. Парох о. Иґор Вовк служел Службу Божу на хторей було 45 особи и шесцеро дзеци.
Пошвецена 21 паска. Апостол читал Александар Планкош.
У казанї на українским, руским и сербским язику, о. Вовк наглашел важносц молитви и заєднїцтва.
По його словох, жиєме у чежких часох и праве тераз час же бизме, так як цо любиме себе, любели и Исуса и своїх братох. Тиж, же бизме помагали другим у нєщесцу.
Исус дал живот за нас. Велї ишли за нїм, а кед є розопяти на криж, шицки го охабели. Прето, же бизме були лєпши християнє, треба читац Святе писмо, жиц за любов и давац другим.
После шветочней Служби, парохиянє медзи собу подзелєли писанки и даровали дзеци.