НОВИ САД – У тогорочним трицец другим чишлє новинох „Руске слово” рубрика „Тижньовнїк” зазначела подписованє Спорозуменя о сотруднїцтве помедзи Школу у Керестуре и Школу у Попрадзе у Словацкей, а ту и тема о актуалним предаваню локалних медийох.
Рубрика „Нашо места”, медзи иншим, пише о схадзки Совиту Месней заєднїци и Волонтерским кампу у Руским Керестуре, а ту и вистки зоз Шиду о туристичним розпатраню Лєтнєй владическей резиденциї.
„Економия” на своїх бокох пише о палєнчарки Деси Варґовей з Коцура, а на тих бокох наявена и Манифестация „Днї керестурскей паприґи”.
„Култура и просвита” преноши упечатки зоз Шестей подобовей колониї у Шидзе, ту и текст о судьби скулптури Дюри Костелника у Вербаше, а наявює и наиходзаци Фестивал жридлового шпиваня „Най ше нє забудзе” у Дюрдьове.
На бокох рубрики „Духовни живот” зазначене означованє шветох Преображенє и Маковея у рускокерестурскей парохиї, та як чече адаптация старовербаскей парохиї.
„Мозаїк” пише о двох манифестацийох за младих хтори прешлого викенду отримани у Дюрдьове, понука розгварку з младим ґлумцом Михайлом Планкошом, док рубрика „Людзе, роки, живот” читачох упознава з длугорочним дюрдьовским байбером Любомиром Сивчом и з роботу Тамбурового состава „Коцурски бетяре”.
На „Спорту” мож пречитац тексти о Спортских бавискох „Яша Баков” у фодбалє и мемориялним турнире на чесц Владимирови Чижмарови у Вербаше. Додаток у тим чишлє „Дикица”.