КУЛА – Општинска виберанкова комисия до вчера, 14. марца, преглашела штири виберанково лїстини за виберанки за Скупштину општини (СО) Кула, хтори буду 24. априла, кеди и виберанки за републични и покраїнски парламенти. До СО Кула ше вибера 37 одборнїкох.
Перша преглашена лїстина Сербскей напредней странки-Александар Вучич-Сербия победзує, на хторей 37 кандидати за одборнїкох, друга лїстина Союзу войводянских Мадярох, на хторей 13 кандидати; треца преглашена лїстина Єдинствена Сербия-Драґан Маркович Палма, на хторей 37 кандидати, а як штварта преглашена лїстина др Велибор Васович-Социялистична партия Сербиї, на хторей 30 кандидати за одборнїкох.
Як Рутенпрес дознава з ИПЦ Кула, формулари за придаванє кандидатури за наступни виберанки од Општинскей виберанковей комисиї до вчера превжали Сербска радикална странка, Лиґа социялдемократох Войводини, Русийска странка и коалиция Сербски рух Двери-Народни рух Динара-Дрина-Дунай.