РУСКИ КЕРЕСТУР – У Марийовим святилїщу Водици, всоботу 15. мая отримани успишни спортски дзень за дзеци Run4uniti, на хторим участвовали вецей як сто дзеци зоз велїх руских и других войводянских местох.
Тото спортско-духовне стретнуце як доприношенє миру у швеце, хторе ше кажди рок отримує у велїх жемох швета, започате 1996. року. Соботове друженє, през мото зоз окремней коцки хтора понука як мож жиц, такволане, златне правило у спорту – роб другому тото цо биш сцел же би други робели тебе.
На стретнуцу участвовали дзеци рижних возростох до 15 рокох и їх родичи, а окрем кросу, була орґанизована и олимпияда рижних бависка, бависко солидарносци, витримовносци, мудросци, итд, и як було видно, на задовольство шицких учашнїкох.
Стретнуце привитал домашнї керестурски парох о. Михайло Малацко, орґанизовал го Рух фоколарох, зоз домашнїма волонтерами и Церковним одбором, а помогли и велї спонзоре.
