РУСКИ КЕРЕСТУР – Предшколска установа „Бамби”, оддзелєнє „Цицибан” з Руского Керестура вчера, 12. мая, була домашня виховательком и дзецом зоз руских дзецинских заградкох зоз Коцура и Дюрдьова.
Дзеци ше вєдно дружели, а потим була отримана и програма у сали Дома култури, дзе ше єдни другим представели зоз шпиванками, рецитациями и танцами.
Тото друженє штварти раз орґанизує и финансує Одбор за образованє Националного совиту Руснацох, а на програми була и предсидателька Одбору Мелания Римар, та и єден хлапец хтори у Новим Садзе факултативно виучує руски язик у предшколскей установи. Зоз дзецми зоз Дюрдьова пришла и директорка їх предшколскей установи Светлана Бошков.
Циль того сходу же би ше дзеци упознали и дружели, же би знали же руска овода и руски оддзелєня у предшколских установох єст и у других местох, та и промоция уписованя до нїх.
