ШИД – Од 29.449 уписаних до виберацкого списку у општини Шид, внєдзелю на референдум о пременки Устава Републики Сербиї у часци о правосудстве, вишли гласац 11.289 гражданє.
Спрам ище нєпотвердзених резултатох, важаци лїстки було 11.146, нєважацих 141 лїсток, а гласало ше на 39 виберацких местох.
За уставни пременки ше вияшнєли 7.957 гражданє, а процив були 3 189, гласанє було реґуларне и нє було инциденти, потвердзел за Рутенпрес предсидатель Општинскей виберанковей комисиї Милан Филипович.
