СРИМСКА МИТРОВИЦА – Вистава фотографийох з назву „Културно-историйне нашлїдство Сриму дакеди и нєшка“ поставена тих дньох у центре Сримскей Митровици, на площи Чири Милекича.
Вистава ширшей явносци указує найважнєйши проєкти хтори за остатнї дзешец роки поробел Заводу за заштиту памятнїкох култури у Митровици.
Завод ше стара о 29 нєрухомих културних доброх – 23-ох памятнїкох култури, єдней просторно културно-историйней локациї, трох археолоґийних находзискох и двох значних местох.
Очуванє културно-историйного скарбу важне и за розвой туризму, наглашене з нагоди початку вистави, хтора на отвореним тирва до конца лєта.