РУСКИ КЕРЕСТУР – Фодбалере керестурского Русину вчера на своїм Ярашу одбавели приятельскей змаганє з коцурску Искру и сграцели з 3:2. Ґоли за Русин дали Иван Рац Микли и Боян Бранкович, а за Искру два ґоли дал Душан Крняїч и єден Милан Малеш.
Дзень пред тим, всоботу, 20. юния вечар, у просторийох Спортского дружтва Русин отримане пригодне друженє шицких фодбалерох Русину з нагоди законченя першенственей сезони. На друженю були шицки активни фодбалере, як и члени управи и дзепоєдних спонзорох Клубу.
Присутних привитали предсидатель ФК Русин Никола Хрин и тренер першей екипи Златко Саянкович, а на друженю их забавяли музичаре Саня Полдруги и Кристиян Няради.
Русин першенство у Подручней фодбалскей лиґи закончел найвироятнєйше на 5. месце, понеже конєчни розпорядок на таблїчки ище нє бул обявени.
