РУСКИ КЕРЕСТУР – Внєдзелю, 4. фебрура у Каритасу започали скорей наявени Стретнуца за фамелиї парохиї св. о. Миколая.
Преподаванє на тему „Якого Бога представя Библия и цо то значи за наш особни и фамелийни живот“ отримал парох керестурски о. Владислав Варґа. През приклади зоз Старого завиту од початку по пророка котри перши нависцел приход Исуса Христа, пояшньовал як ше Бог старал о чловекови. Освидомиц ше того, окреме значне за кажду особу, малженску пару, за шицких котри ше рихтаю повинчац и котри прияли св. Тайну женїдби.
На стретнуцу були присутни вирни котри у рижних животних ситуацийох и котри жадаю преглїбиц свойо спознанє Бога и свою виру.
