РУСКИ КЕРЕСТУР – Вчера вирни парохиї св. отца Миколая зоз постом, молитву и присуством на Службох Божих означели швето Усикновениє глави Йоана Хрестителя. Як уж узвичаєне, служба на 10 годзин була у Водици.
Службу служели парох керестурски о. Владислав Варґа, о. Михайло Шанта, о. ЯрославВарґа, а о. Владимир Медєши споведал цалу службу.
У своєй казанї о. Михайло Шанта визначел важносц чистоти у живоце вирних у каждим смислу. Ту найвецей слово о чистоти одношеньох медзи людзми, же грих може поцагнуц до цмоти, а окреме препоручел мерковац вирним на їх думки же би нїкого нє повредзели.
До Водици пришло красне число вирних, без огляду на горучаву.
