НОВИ САД – Остатнє число Заградки у тим календарским року пририхтує нас за наиходзаци швета, та таки и додаток – Забавни боки.
У рубрики Пречитали и роздумали єст нови интересантни задаток, а такой потим шлїдзи рубрика Госци и новосци.
У рубрики Сцеме знац и упознац пише хто бул насправди Орещкар, за хторого шицки чули, лєбо го видзели.
Нови кнїжки за дзеци – „Числа” Наташи Еделински Миколка и „Єдначини през бависко” Оксани Мудри Недич представени у Читальнї, а ту и нова приповедка у сличкох.
Мала Заградка цалком пошвецена наймладшим, та можу вифарбйовац, виписовац задати линиї, алє и поопатрац роботи хтори послали.
Ту и рубрики Школяре авторе и Забавни боки, а рубрика Радио у Заградки нє лєм же пише, алє и учи як треба направиц цеплу чоколаду.
Своїх любимцох, папаґайох, представяю Давид Пашо зоз Руского Керестура и Никола Дротар зоз Коцура, а астрофизичар др Роберт Джуджар нас учи о Слунковей системи.
На остатнїм боку, як и вше, находзи ше Заградкова ґалерия.