КОЦУР – Потримовку студентом у блокади дали числени жителє Коцура и того пиятку, 14. фебруара.
На 11:52 годзин ґрупа валалчанох у центру Коцура дала 15-минутову чесц тим цо настрадали у нєщесцу на Желєзнїцкей станїци у Новим Садзе. У тим периоду бул застановени транспорт на главней драги у напряме Савиного Села и Вербасу.
И тот протест бул провадзени з державнима заставами и численима транспарентами. Скорей даваня чесци, даєдни з тих котри ше зишли повиписовали по главней калдерми написи „Коцур потримує студентох”, „Студенти ♥” и „15.03. БҐ”, як здогаднїк на актуалну ситуацию у держави.
Отримани протест прешол мирно.
