10. ОКТОБЕР – На нєшкайши дзень народзени владика Дионизий Няради.
1813 – Народзел ше композитор Дюзепе Верди (Ле Ронколе, 10. октобер 1813 – Милано, 27. януар 1901)
1847 – Народзел ше Милан Йованович Батут (Сримска Митровица, 10. октобер 1847 – Беоґрад, 11. септембер 1940), универзитетски професор и снователь Медицинского факултету, по чиїм мену ше нєшка вола Институт за явне здравє у Беоґрадзе.
1874 – Народзел ше владика Дионизий Няради (Руски Керестур, 10. октобер 1874 – Мрзло Полє, 14. април 1940), бул двацец пияти грекокатолїцки владика. Сновал нови парохиї, у Крижевскей епархиї уведол монашески чини: шестри Василиянки, шестри Служебнїци, монахох Василиянох. Помогол снованє друкарнї у Бачки и у України, писал кнїжки, молитвенїки. Дїловал у екуменским духу у церкви з намиру церковного єдинства. Умар 14. априла 1940. року под час канонскей визитациї у Мрзлим Полю, у Жумберку. Спочива у крипти катедралней церкви у Руским Керестуре.
1913 – Закончена вибудов Панамского канала, хтори длугоки 81,6 километри, з хторим злучени Атлантски и Цихи океан.
1964 – Отворени Олимпийски бависка у Токию, перши у Азиї.
1991 – Скупштина Сербиї принєсла одлуку же би републична застава була трофарбова, без комунистичного символа, пєйцкракей гвизди.
Нєшка Шветови дзень менталного здравя (World Mental Health Day), порушала го Шветова здравствена орґанизация 1992. року.
Шветови дзень бездомних (World Homeless Day). Означує ше од 2010. року.
