НОВИ САД – У порти Конкатедралней церкви святих апостолох Петра и Павла всоботу, 11. октобра, отримана еколоґийна акция, на хторей участвовало коло трицец парохиянох.
На акциї ушорени заградки, посадзене квеце и рошлїни, орезани древка и поставени шкатули за компост. По законченю акциї було друженє учашнїкох.
Еколоґийну акцию вєдно орґанизовали Грекокатолїцка парохия святих апостолох Петра и Павла и Каритас Нови Сад, а наявена и акция за дзеци, хтора будзе 25. октобра.