3. ЮНИЙ – Нєшка Шветови дзень бициґлистох.
1926 – Народзел ше Владимир Копчански, просвитни роботнїк, културни дїяч, ґлумец и режисер аматер. Робел у Дюрдьове, Вербаше и Ґосподїнцох.
1931 – Народзел ше фоторепортер Йован Вайдл (Нови Сад, 3. юний 1931 – Нови Сад, 5. новембер 2011). Фотографске ремесло виучел при новосадскому фотоґрафови Радомирови Ґлишичови. Од 1955. року по пензионованє 1991. року робел як фоторепортер у новосадских дньових новинох Дневник. Фотоґрафовал сцени каждодньового живота Нового Саду, на пияцох, у школох, на спортских теренох, на улїцох и площох. Роботи обявйовал у домашнїх и странских новинох, два раз достал припознанє Златне око (1964, 1968), велї награди на рижних змаганьох, участвовал на рижних виставох, арґентинске здруженє фотоґрафох у Буенос Айресу наградзело го зоз специялну награду (1976), бул ношитель Повелї городу Нового Саду (1987).
2006 – Скупштина Чарней Гори преглашела нєзависносц и од теди урядово престала постояц Державна заєднїца Сербия и Чарна Гора.
Нєшка Шветови дзень бициґлох и бициґлистох. Преглашела го Ґенерална скупштина Зєдинєних нацийох у априлу 2018. року. Резолуция о Шветовим дню бициґлох препознава єдинственосц, длуговичносц и всестраносц бициґли, хтора уж два вики єдноставне, доступне, сиґурне и еколоґийно отримовне средство за превоженє.