КОЦУР – Искрово кадети одбавели внєдзелю, 14. юния, у Коцуре остатнє коло у ПФЛ Суботица за кадетох, процив екипи ФК Нєґош зоз Ловченцу и победзели, а конєчни резултат бул 3:1.
ФК Искра – ФК Нєґош – 3:1. Ґоли за екипу Искри дали: Василиє Дукич (2) и Лука Дорокхази.
За екипу Искрових кадетох бавели: Серґей Сакач, Далибор Караґача, Бошко Ґакович, Илия Майкич, Матия Новак, Василиє Дукич, Димитриє Коматина, Славиша Салонтаї, Урош Неделькович, Дарко Уйфалуши и Лука Дорокхази (c).
До бависка вошли и Серґей Салонтаї, Владан Попович и Даниєл Кухар.
Екипу водзел Желько Салонтаї.
Искрово кадети зоз одбавеним 24. колом закончели сезону 2025/26 у ПФЛ Суботица, а першенство закончели на 6. месце на таблїчки зоз 44 бодами. Маю позитивну ґол розлику, дали аж 107, а достали 54 ґоли.
Треба визначиц же Дарко Салонтаї достал припознанє за найлєпшого стрилца и асистент лиґи, зоз датим 41 ґолом и 8 асистенциями.
