НОВИ САД – На Скупштини Столнотениского союзу Сербиї, у Новим Саду, початком мешаца було додзельованє припознаньох клубом, побиднїком лиґох.
Медзи представнїками клубох, тиж и СТК Русин достал погар за освоєне перше место у Южнобачкей лиґи, а припознанє додзелєне предсидательови клуба, Тихомирови Фейдийови.
Екипа Русина сезону 2025/26 закончела на першим месце зоз истим резултатом як и СТК Нови Сад, медзитим нашо столнотенисере мали лєпши сет количнїк та завжали перше место и бавенє у висшим ранґу у идуцей сезони.
Керестурски столнотенисере освоєли 30 боди, а победзели на 14 стретнуцох и лєм у двох були поражени. Мали позитивни сет количнїк, 60 сети достали, а лєм 14 сети страцели.
Найлєпше ранґовани бавяч у лиґи бул Матей Сабадош зоз Руского Керестура, хтори мал 18 побиди и лєм два пораженя, а освоєл 38 боди.
Шлїдзи павза, а потим починаю пририхтованя за висши ранґ змаганя, Войводянску А лиґу.
