КОЦУР – У рамикох 35. Спортских бавискох „Яша Баков”, внєдзелю, 14. юния, було змаганє у вареню пасулї. Змаганє було у Коцуре, на Пелетовим салашу, а домашнї бул Руски културни центер (РКЦ) зоз Нового Саду.
На тогорочних Спортских бавискох „Яша Баков” у Коцуре найлєпшу пасулю уварела ветеранска екипа Русин 1 зоз Руского Керестура, а у єй составе були: Владимир Будински – главни кухар, Владимир Малацко, Янко Малацко, Дюра Дудаш, Михайло Джуня, Михайло Надь, Владимир Планкош, Силвестер Хромиш и Елемир Рамач.
Конєчни пласман екипох на змаганю у вареню пасулї:
1. Русин 1, 2. Петровци, 3. Тарас Шевченко 1, 4. Искра, 5. Русин 2, 6. РКЦ 2, 7. РКЦ 3, 8. Папивинґ, 9. РКЦ 1, 10. Тарас Шевченко 2, 11. Вуковар и 12. Пакт Рутенорум.
Шицки учашнїки на тогорочних Спортских бавискох „Яша Баков”, на змаганю у вареню пасулї достали подзекованя, а першим тром местом додзелєни медалї и подзекованя.
