НОВИ САД – Подпредсидатель Покраїнскей влади и покраїнски секретар за образованє, предписаня, управу и национални меншини – национални заєднїци Роберт Отот уручел вчера, 16. юния контракти хасновательом средствох по Конкурсу за додзельованє буджетских средствох орґаном и орґанизацийом у Авономней покраїни Войводини у чиєй роботи у службеним хаснованю язики и писма националних меншинох.
Средства ше додзелює же би ше злєпшало хаснованє язика и писма националних меншинох, алє и за виробок и поставянє двоязичних и вецейязичних таблох з назвами институцийох, населєних местох, улїцох, площох, друкованє вецейязичних формуларох и публикацийох тиж и за розвой системи електронскей управи на язикох националних заєднїцох.
Покраїнска влада по тим конкурсу додзелєла 20 милиони динари, а пенєж достали 58. хаснователє.