РУСКИ КЕРЕСТУР – Карате клуб Русин пияток, 12, юния, у Спортскей гали у Руским Керестуре орґанизовал покладанє каратистох за паси.
За паси покладали: София Шимко, Валентина Чонка, Маґдалена Горняк, Лола Грнчяр, Мелания Малацко, Давид Русковски, Иван Планчак, Стефан Зарубица, Андрей Сендерак, Симона Гарди, Константин Сабо-Дайко, Кристина Сабо-Дайко, Алексей Колошняї, Сара Такач, Андрий Мудри, Ерик Грубеня, Виктор Шимко, Дамян Венчельовски, Стефан Такач, Маша Ерделї, Леонтина Балинд и Михаела Сендерак и Миа Сабо.
Каратистох за покладанє пририхтовали тренере Михайло Орос, Наташа Ковачевич и Милан Тасич, а у комисиї бул Милосав Милосавлєвич зоз Оджаку.
Орґанизатор покладаня за паси у Руским Керестуре бул КК Русин зоз Руского Керестура.
КК Русин з тей нагоди жада подзековац Месней заєднїци у Руским Керестуре хтора подаровала климу до їх просторийох за трениранє, и „Луксор фурнитуре” хтори финансовал опрему за квалитетнєйши тренинґи.
