МЕДЖУҐОРЄ – Тогорочна 29. Медзинародна духовна обнова за священїкох тирва од 29. юния по 3. юлий. Зоз Епархиї святого Миколая у Руским Керестуре на тих духовних вежбох участвовали о. Платон Салак, о. Михайло Режак, о. Юлиян Рац, о. Дарко Рац.
На 29. Медзинародна духовна обнова тема Ad fontem! На жридло! УБогородицовей школи, а як доявел священїк Дарко Рац приявели ше скоро тристо священїки зоз вецей як трицец державох: Малавию, Зимбабвеа, Ниґериї, Пакистану, ЗАД, Индиї, Румуниї, Анґлиї, Филипинох, Италиї, Камеруна, Бразилу, Анґоли, Конґа, Танзаниї, Словениї, Сербиї, Горватскей, Босни и Герцеґовини, Венецуели, Шпаниї, Мексику, Еквадору, Колумбиї, Перуа, Польскей, Литваниї, Побережє Слоновачи, Буркини Фасо, Французкей, Бенину, Белґиї, Словацкей, Ческей, Нємецкей, Австриї, Мадярскей и України.
На духовних вежбох шицки священїки на вецей локалитетох у Меджуґорю: у Церкви святого Якова, Дворани Йоана Павла II, на Крижней драги при Крижевцу, на Брегу указаня, вєдно маю преподаваня, евхаристийни преслави, цалодньове кланянє, модля ше пацерки и то нагода и за споведз на вецей шветових язикох.