БЕОҐРАД – Министерство просвити Влади Републики Сербиї сообщело же Влада РС на схадзки, 2. юлия прилапела Одлуку о числу студентох хтори ше упишу на перши рок студийских програмох основних фахових, академских и интеґрованих академских студийох, а хтори ше буду финансовац зоз буджету Републики Сербиї за високошколски установи хторим снователь Република Сербия у школским 2026/27. року.
На перши рок студийних програмох основних фахових, академских и интеґрованих академских студийох, хтори ше финансую зоз буджету, у школским 2026/2027. року годно буц 17.493 студентох.
Прилапена и Одлука о числу студентох хтори ше можу уписац на перши рок студийских програмох основних фахових студийох хтори ше финансує зоз буджету за академиї фахово студиї хторим снователь Република Сербия за академски 2026/27. рок, а на перши рок тих студийских програмох ше годно уписац 4.442 студенти, пише у сообщеню.