РУСКИ КЕРЕСТУР – Пияток, 25. новембра, у просторийох СД „Русин” у Руским Керестуре закончени турнир у шаху, хтори тирвал од 21. новембра у орґанизациї Шаховского клубу „Русин”.
На турнире участвовали 17 шахисти, котри одбавели 9 кола по швайцарскей системи, а бавяч мал 30 минути по партиї.
Перше место на турнире освоєл Звонимир Медєши зоз 7,5 поенами, друге Михайло Джуджар зоз 7 поенами, а треце место освоєл Рафаил Венчельовски зоз 6,5 поенами.
Найуспишнєйшим предсидатель Шаховского клубу „Русин” Михайло Венчельовски уручел побиднїцки погари.