НОВИ САД – У центре Нового Саду вчера отримана ювилейна 20. ”Машкарада”, на хторей по вецей улїцох прешла маскирована процесия. На програми участвовали члени здруженя „Креативни погон”, котри були задлужени за анимацию дефилеу, як и Бранимир Чосич, котри вєдно з учашнїками, з музику и шпиванку „одогнали жиму”.
Орґанизаторе преглашели найуспишнєйши маски и подзелєни подзекованя учашнїком.
З нагоди обичайох вязаних за фашенґи, Музей Войводини ище од 1995. року орґанизує маскировани процесиї по улїцох Нового Саду, а того року 8. фебруара у Музею орґанизована и роботня з назву ”Направме маску – одплашме жиму”, на хторей дзеци правели маски за тогорочну ”Машкараду”.
