КОЦУР – На отриманим осмим Литературним конкурсу кратких формох у рамикох 57. Медзинародного стретнуца дзецох Европи участвовали и школяре другей класи Основней школи Братство єдинство зоз Коцура. Школяре писали на тему Писня то…, а роботи селектовал дзецински писатель Слободан Станишич.
За свойо литературни роботи похвалєни Надя Русковски, Исидора Секулич, Лара Няради, Дуня Буґарски и Вукашин Сабадош.
Школярки зоз истого оддзелєня Лара Няради, за свою литературну роботу и Теодора Горняк за подобову роботу, достали награди на конкурсу Явней библиотеки Данило Киш з Вербасу котри бул розписани з нагоди Дзецинского тижня.
Свойо таланти школяре тей класи указали и на другим Дзецинским подобовим конкурсу Високи гори Достиника котре орґанизовало Добродзечне дружтво Достиник зоз Нишу. Робота на тему Швитанє школярки Исидори Секулич завжала треце место, а школяре Теодора Горняк, Єлена Ґрандич, Леа Ковачев, Лазар Стоїсавлєвич, Алекса Бесерминї и Вукашин Сабадош за свойо роботи були окреме похвалєни.
Менторка школяром на шицких конкурсох їх учителька Мария Полдруги.
