РУСКИ КЕРЕСТУР – Тей нєдзелї у виданю керестурскей парохиї св. о. Миколая вишло нове число „Дзвонох” за октобер.
У Уводнїку текст о св. Йосафатови, а представени и живот двох блажених – бл. Теодор Ромжа и бл. мученїк Методий Трчка.
Зоз церковней историї и у тим чишлє предлуженє записох о керестурскей и коцурскей парохиї з нагоди їх ювилейох, а нове предлуженє и о Українскей папскей малей семинариї у Риме.
Призначени и збуваня у Марийовим святилїщу – Водици и як Мария Водицова надихує вирних же би ше збудовал єй дом – Емаус.
Ту и запис о паломнїцтве до Сиверней Македониї, хторе орґанизовала новосадска парохия. У тим чишлє шведоченє Рацових зоз Старого Вербасу и приклад як молитва за мир повязала заєднїцу у Словениї. Єден млади вирнїк за наш часопис написал цо за ньго значи буц християн, а представени и активносци у керестурскей парохиї.
Попровадзени и подїї у швеце и по наших парохийох, медзи хторима и молитва дзецох и бал за старших, хтори и на насловним боку.