КОЦУР – У Римокатолїцкей церкви Шицки святи у Коцуре внєдзелю, 1. новембра означени Кирбай, швето Шицких святих. Красне число парохиянох того святочного дня нащивели римокатолїцку церкву и присуствовали на Служби Божей.
Кирбайску Службу Божу на 11 годзин служел домашнї управитель, о. Карло Сабадї, а сослужел декан бачки и парох коцурски о. Владислав Рац. Святочносц того швета возвелїчана зоз молитву и шпивом присутних вирних, а Служба Божа служена на мадярским и горватским язику.
У казанї о. Карло Сабадї здогаднул вирних най подзекую Господу Богу на нєшкайшим дню, як и шицким предком котри у тих хвилькох вєдно з нами, а и у Кральовстве Нєбесним.
Коцурски парохиянє и того року на швето Шицких святих на гробох своїх милих покойних, на шицких валалских теметовох, палєли швички. Попри вирних римокатолїкох, и други вирни валалчанє палєли швички на гробох покойних и на грекокатолїцким и на православним теметове.
