НОВИ САД – На Радио програми по руски нєшка на 12:30 годзин, будзе емисия Дом и фамелия.
У емисиї Дом и фамелия госцинска будзе Леона Виславски зоз Дюрдьова, котра визначена як значна жена у Войводини, а вона, медзи иншим, и заслужна же у Дюрдьове єдна хижа претворена до Музею кафи.
Родичом нє лєгко кед им дзеци пойду до иножемства, чи по роботи, чи пре лєпши живот и фамелию. Славко Джуджар зоз Нового Орахова гвари же му барз чежко же його син одлучел жиц у Нємецкей, алє го потримал у тей одлуки и мило му же є там щешлїви.
Призначена и тема о здравю. О тим як дзеци треба же би превозишли стах од зубара бешедовала стоматолоґ Наташа Гайдук. Годно послухац и стаємни рубрики о ремеслох и предкладанє цо мож пририхтац за полудзенок.
Редакторкa емисиї Саня Маркович.
Емисию Дом и фамелия мож послухац кажду стреду на 12:30 годзин на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини.