РУСКИ КЕРЕСТУР – Национални совит рускей националней меншини 30. октобра розписал Конкурс за додзельованє стипендийох студентом у академским 2026/2027. року. Конкурс тирва по 14. новембер 2026. року.
Национални совит Руснацох додзелює стипендиї студентом другого, трецого и штвартого року Оддзелєня за русинистику Филозофского факултету у Новим Садзе.
Право на конкурованє маю студенти хтори виполнюю шлїдуюци условия: же су державянє Републики Сербиї, же су младши як 27 роки, же су першираз уписани у тим школским року на одвитуюци рок студийох, и же нє обновели анї єден рок.
Треба приложиц и документацию: молбу за доставанє награди/стипендиї, уверенє о уписаним одвитуюцим року студийох и копию документу хтори потвердзує державянство (уверенє о державянству, вивод з матичней кнїжки родзених, копия пасошу…)
Конкурс отворени од 30. октобра по 14. новембер.
Зоз молбу приложиц потребну документацию, контакт адресу, число рахунку (копия карточки зоз банки) и число телефона.
Нєблагочасово прияви ше нє будзe розпатрац.
Прияви зоз комплетну документацию посилац на rusovit@mts.rs, лєбо на адресу: Национални совит рускей националней меншини, Фрушкогорска 64, 25233 Руски Керестур, Тел. 025/705-222; 705-333