РУСКИ КЕРЕСТУР – На идуцу нєдзелю, 8. новембра, швето Архангела Михаїла. Служби Божи на 10 годзин Благодарна у Водици за закончени роботи у Емаусу, на 11:30 и 17 годзин у церкви.
Пондзелками вечар, на 17 годзин Служби у Старим манастире. У Манастире шестрох Служебнїцох Дзевятнїца до Архангела Михаїла после вечаршей служби по 7. новембер.
Пияток, 30. октобра, закончена штварта фаза то єст мури над плочу на будинку Центра Емаус у Водици. На яр, ше вилєє плочу, за цо ше збера средстава.
Каждей нєдзелї на 10:45 виронаука за першопричашнїкох. Дзеци маю виронауку у Новим манастире, а родичи з парохом у малей сали Каритасу, а потим шицки вєдно иду на Службу Божу. На пияток, 6. новембра перши пияток, та будзе споведз старших по валалє.
До нєдзелї, 1. новембра у Церкви св. о. Миколая були виложени мощи блаженого владики Теодора Ромжи, при хторих ше вирни могли помодлїц до того нашого блаженого владики и указац свойо почитованє до його мощох. Вишли нови октоберски „Дзвони”.