ШИД – у Руским доме вчера представена лїстина за наступни виберанки за национални совити, число 3 „На габи пременкох”.
Лїстину представели укратко др Александер Мудри, перши на лїстини потим Александар Планкош и Наташа Варґа.
Мудри присутним представел шицки 19 кандидати на лїстини и їх кратки биоґрафиї, а гварел и же ше лїстина заклада за пременки, транспарентносц и фахово особи.
Представнїки лїстини тиж сцели од домашнїх дознац и яки проблеми рускей заєднїци у општини Шид, и углавним слова було о култури и образованю, вше векшей асимилациї, а домашнї поставели и питаня кельо будуци Национални совит годзен помогнуц же би ше превозишло терашнї почежкосци.
