НОВЕ ОРАХОВО – У Новим Орахове после Служби Божей, всоботу на 14 годзин, Миколай дзецом подзелєл 23 пакецики.
Службу Божу служел о. Владислав Рац, визначуюци у казанї значносц и улогу св. о. Миколая у наших животох.
После Служби Божей школяре цо ходза на руски язик порихтали програму св. Миколайови. Святи Миколай побешедовал зоз дзецми, а вєдно ше здогадли як треба же би ше справовали и були добри християнє.
Церква була полна, бо Миколая сцели видзиц нє лєм дзеци, алє и їх родичи и баби и дїдове.
Пакецики порихтала управа КУД Петро Кузмяк зоз предсидательку Татяну Дудаш.
