РУСКИ КЕРЕСТУР – Молитва за єдинство християнох отримана од 18. по 25. януар. Того року є окреме значна, бо того року шицки християнє вєдно славя Паску – Воскресенє Христово.
За роздумованє у тим периодзе вжати слова Исуса котри гварел Марти и Мариї кед им умар брат Лазар: Чи вериш то? Чи вериш же я можем воскреснуц Лазара? И нам нєшка ше поставя питанє чи вериме и чи ше модлїме за Исусово найвекше жаданє: „Оче же би були шицки єдно медзи собу як и ми єдно, же би швет поверел?ˮ
Молитовна осмина за єдинство християнох представя осем днї екуменскей молитви котра ше означує на медзинародним уровню. У рамикох молитовней осмини, вирни рижних хрстиянских заєднцох и найвисши християнски представнїки ше стретаю вєдно на молитву.