23. ДЕЦЕМБЕР – На нєшкайши дзень преглашени Национални парк Фрушка гора.
1790 – Народзел ше ориєнталист Жан Франсоа Шамполион (Фижак, Французка, 23. децембер 1790 – Париз, 4. марец 1832), снователь єгиптолоґиї. Дешифровал 1822. року гиєроґлифи зоз плочи хтора пренайдзена 1799. року у єгипетским месце Решид и утвердзел же вони нє лєм символичне, алє и фонетске писмо.
1804 – Народзел ше писатель Шарл Оґистен Сент Бев (Булон сур Мер, Французка, 23. децембер 1804 – Париз, 13. октобер 1869), представитель французкей литературней критики.
1960 – Преглашени Национални парк Фрушка гора. За подруче Националного парку Фрушка гора як природного добра I катеґориї утвердзени и режими I, II, III ступень защити.
1990 – Векшина гражданох Словениї ше на референдуме вияшнєли за одщипенє од Югославиї.