СЛОВАЦКА – Професоре керестурскей школи „Петро Кузмякˮ, тих дньох пребуваю у Словацкей на фаховим усовершованю у рамикох програми Еразмус Плус (Erasmus plus) дзе им вєдно зоз колеґами зоз Словацкей, Ческей и України отримани преподаваня о диґиталней безпечносци и технолоґийних иновацийох.
У приємней атмосфери Словацких горох Татрох, у месце Смижани, керестурски професоре представели приклади добрей пракси зоз школи „Петро Кузмякˮ, як на приклад реализовани проєкт о диґиталней безпечносци „Меркуй на свой кликˮ, алє и „Безпечно на мрежиˮ, актуални проєкт хтори ше на тему безпечносци реализує зоз школярами.
Наставнїки мали приєм при городоначальнїкови у месце Спишска Нова Вес, як и преподаваня фаховцох зоз обласцох психолоґиї, интернет технолоґиї и безпечносци и образованя.