НОВИ САД – Пре траґедию хтора ше случела вчера коло поладня на Желєзнїцкей станїци у Новим Садзе, одказане отримованє збуваньох и манифестацийох.
Новосадски саям одказал отримоване Новосадских дньох пива, нє будзе отримани анї Новосадски ноцни базар. Одказани и фестивал „Безвремени”, а шицки вистави у Дистрикту хтори орґанизує Фондация Нови Сад – Европска престолнїца култури буду заварти.
Одложене и отримованє манифестациї Капустияда у Футоґу.
Одказани и шицки представи у Сербским народним театре и Театре младих
У Културним центре Нового Саду одказани Фестивал европского филма и шицки змисти у Културних станїцох Едьшеґ и Свилара, одказани и Фестивал камерней музики хтори требал буц отримани у Городскей концертней сали.
У кафичох и клубох у городзе одказани музични програми.
Фодбалске стретнуце медзи ФК Червена гвизда и ФК Войводина тиж ше нє будзе бавиц на соботу на 18 годзин на Маракани, а Фодбалски союз Сербиї одказал шицки стретнуца Суперлиґи и Першей лиґи Сербиї хтори ше требали бавиц на соботу. И други спортски союзи одказали стретнуца и змаганя.