РУСКИ КЕРЕСТУР – Потим як урядово закончени Шветови конґрес Русинох/Руснацох/Лемкох у Новим Садзе, учашнїки Конґресу всоботу, 19. авґуста, нащивели Руски Керестур, дзе ше отримовала манифестация „Днї керестурскей паприґи”.
Учашнїкох Конґресу домашнї привитали и урядово зоз бини дзе отримована програма Паприґарияди, а домашнї Конґресу Руска матка обезпечела полудзенок хтори за нїх уварени у рамикох Паприґарияди, а послужени су у Доме пензионерох.
Госци потим нащивели катедралну церкву св. оца Миколая дзе их привитал млади капелан о. Ярослав Варґа, а були нащивиц и Марийово святилїще Водицу.
Учашнїки конґресу нащивели и Музейну збирку у будинку Замок хтору им презентовала предсидателька Туристичного здруженя Любица Няради.
