РУСКИ КЕРЕСТУР – Керестурска парохия вчера була домашня порядней єшеньскей Духовней обнови священїкох нашого Апостолского еґзархату, на чолє з еґзархом, владиком Георгийом Джуджаром. Присуствовали 16 з 19 наших паноцох.
Духовна обнова отримана у Катедралней церкви св. оца Миколая, а почала з богослуженьом „Шести часи”. Потим служена панахида за шицких покойних владикох, священїкох и панїматки, а священїки мали нагоду и за св. Споведз.
Духовну науку з тему наиходзацого Ювилейного року хтори будзе пошвецени милосердию, а хтори папа Франциско преглаши 8. децембра того року, отримал Домашнї парох о. Михайло Малацко.
По преподаваню, владика Георгий у парохийним доме мал и окремне стретнуце зоз священїками.