АПОСТОЛСКИ ЕҐЗАРХАТ – По юлиянским календаре на ютре припада швето велькомученїка Димитрия-Митра, а по григориянским Собор Архистратига Михаила-Михала.
Митра будзе преславене у векшини наших грекокатолїцких парохийох з богослуженїми, а Михала у парохиї св. оца Миколая у Руским Керестуре.
Попри Службох Божих у Катедралней церкви на 8, 11,30 и 17 годзин, Велька Служба Божа на 10 годзин будзе лєм у Водици, як остатня Служба у Водици у тим року.
Шицким особом хторим мено Димитрий, Дмитрий-Митро, одн. Михаил, Михайло-Михаела на ютре имени дзень.