НОВИ САД – На ютре, 18. новембра, у Новим Садзе будзе отримана схадзка Одбору за културу Националного совиту Руснацох (НС) на хторей, попри предлуженя розправи о нашей култури започатей на заєднїцкей схадзки з представителями подручних канцеларийох, буду розпатрани и предкладаня за членох управних и надпатраюцих одборох Заводу за културу войводянских Руснацох (ВР) и РНТ „Петро Ризнич Дядя”, понеже терашнїм на яр идуцого року виходза мандати.
На схадзки Одбору будзе бешеди и о предкладаню финансованя КУД-ох у идуцим року прейґ фахових роботньох хтори будзе орґанизовац Завод за културу ВР, як и о Календаре репрезентативних манифестацийох Руснацох у 2016. року.
На схадзки би мала буц основана и Комисия за фестивали, а буду розпатрани и дзепоєдни други питаня.
Ютрейша схадзка Одбору за културу НС Руснацох будзе у просторийох Заводу за културу ВР на 18,30 годзин.