ШИД – У Лєтнєй владическей резиденциї у Шидзе нєшка, 10. новембра, будзе отворена вистава новинарских фотоґрафийох новинара „Руского слова”, „Рутенпресу” и дописователя новинох „Вечерње новости” зоз Шиду Владимира Дїтка.
Слово о 60 фотоґрафийох на хторих призначени терашня предсидателька Скупштини општини Шид Наташа Цвєткович и єй терашнї заменїк Деян Булатович.
Фотоґрафиї настали през вецейрочну новинарову роботу, а Цвєтковичова и Булатович представени и кед були на власци, и у опозициї. Булатович на фотоґрафийох и як предсидатель Руху за защиту рики Босут.
Вистава будзе отворена на 17 годзин, а на отвераню буду присутни и Цвєтковичова и Булатович.