РУСКИ КЕРЕСТУР – У орґанизациї волонтерох, у парохийним Каритасу у Руским Керестуре вчера отримани традицийни Крачунски вашар, на хторим ше найвецей предавало крачунски и други прикраски.
Як Рутенпрес дознава од волонтерох, як добродзечни прилог на тим збуваню назберани 2 500 динари, цо за тисяч динари менєй як влонї, а и нащивительох на вашаре було менєй як други роки. Назберани пенєж будзе похасновани за потримовку загроженим фамелийом за Крачунски швета.