Позарядова схадзка Покраїнскей влади после гарештованя двох покраїнских функционерох

автор сен
937 Опатрене

НОВИ САД – Покраїнска влада вчера отримала Позарядову схадзку на хторей бешедоване о ситуациї яка настала у Влади АПВ после того як всоботу, 26. децембра, медзи загарештованима у широкей акциї полициї и покраїнски секретар за финансиї Зоран Радоман и помоцнїк покраїнского секретара за польопривреду, водопривреду и лєсарство Мирослав Дунїч.

У спомнутей акциї полициї загарештовани 80 особи за котри ше сумня же участвовали у корупциї и так очкодовали буджет за вецей як 100 милиони еври.

Як сообщене зоз схадзки, Покраїнска влада од одвичательних институцийох вимага почитованє правней системи и предпоставки нєвиносци за людзох котри загарештовани. Ґу тому, апелує же би ше поступки закончело цо швидше, як и же би ше нє злохасновало медиї у сатанизованю людзох.

Пред Позарядову схадзку предсидатель Покраїнскей влади Боян Пайтич виявел же гарештованє 80 особох, медзи котрима и двоме члени Покраїнскей влади, политичне прешлїдзованє, та же спомнути члени Влади АПВ загарештовани пре обтужби хтори ше одноша на период кед нє були члени Покраїнскей влади.

Опрез Покраїнскей влади вчера отримани и протестни сход членох Сербскей напредней странки (СНС), на хторим подпредсидатель тей странки Иґор Мирович виявел же Позарядова схадзка Влади АПВ политичне злохаснованє тей институциї, за цо обвинєл Демократску странку (ДС) и єй предсидателя Бояна Пайтича, котри и покраїнски премиєр.

На вчерайшей схадзки Покраїнска влада овласцела Бранислава Буґарского же би на идуцей схадзки Скупштини АПВ, на хторей ше будзе розпатрац буджет Покраїни за 2016. рок, бул представитель Покраїнскей влади, сообщене по схадзки.

IGOR MIROVIC

ПОВЯЗАНИ ТЕКСТИ