РУСКИ КЕРЕСТУР – У керестурскей Основней и штреднєй школи „Петро Кузмяк” вчара зоз сербского язика як нємацеринского тестовани 36 школяре осмей класи и 27 школяре трецей и штвартей класи руского оддзелєня Ґимназиї.
Тестованє з питанями на основним, штреднїм и напредним уровню ше окончує при концу образовних циклусох пре преверйованє знаня школярох котри сербски язик виучую як нємацерински.
На основи резултатох тестох у Министерстве просвити буду утвердзени образовни стандарди за тот предмет, а спомнуте тестованє Министрество орґанизує у школох у цалей держави.