Ютре ребаланс буджету

автор зам
757 Опатрене

КУЛА – Одборнїки Скупштини општини Кула на ютре би мали прилапиц ребаланс буджету Општини Кула за тот рок, як и Звит о сполньованю буджету за перши тогорочни дзевец мешаци.

На дньовим шоре ютрейшей схадзки СО и приношенє Рочней програми защити, ушореня и хаснованя польопривредней жеми у державней власносци на териториї кулскей општини, як и формованє Комисиї за лицитацию за даванє державней жеми под аренду. Одлуку о финансийней потримовки фамелийом з дзецми и злєпшаню условийох за задовольованє основних потребох дзецох у образованю и воспитаню, тиж будзе єдна зоз значнєйших одлукох на ютрейшей схадзки.

Одлуки о вименки плацох вибраних, менованих и поставених особох занятих у Општинскей управи и надополнєню за участвованє на схадзкох орґанох Општини медзи точками 43. схадзки СО Кула, як и точки вязани за програми дїлованя дзепоєдних комуналних подприємствох.

Пред одборнїками будзе и Програма контроли и зменшаня псох блукачох, та дзепоєдни кадрово питаня, медзи нїма и розришенє и менованє членох школских одборох, та управних и надпатраюцих одборох у ЯКП и установох хторим Општина снователь.

ПОВЯЗАНИ ТЕКСТИ