ОСИЄК – У Осиєку вчера, 25. октобра, у церкви Христа Цара преславене храмове швето – Кирбай. Шветочну Службу Божу служел домашнї парох о. Любомир Стурко, а сослужовали парох з Пишкуревцох о. Иґор Сикора и двоме римокатолїцки священїки – єзуит патер Мате Божинович и о. Мато Ґашпарович.
Апостол шпивала ш. Мануїла, наказовал о. Мато Ґашпарович, а Службу Божу з прекрасним шпиваньом возвелїчали шестри василиянки, у рамикох чийого манастиру ше находзи каплїчка Христа Цара.
По Служби було мированє, а потим ше парохиянє и їх госци дружели у порти, дзе шестри василиянки за шицких пририхтали ошвиженє.
