НОВИ САД – У Руским културним центре (РКЦ), пияток, 30. октобра отримани ювилейни, дзешати Бал под масками з нагоди Ноци босоркох.
Маскированих нащивительох було з рижних местох, маски були вшелїяки, а за одличну атмосферу и друженє бул заслужни ди-джей Марко Вулетич.
Традицийно додзелєни и награди за вибор найориґиналнєйших маскох, та награду за найлєпшу женску маску достала Наташа Джуджар з Руского Керестура, котра була маскирована до Марсовки, а награду за найлєпшу хлопску маску достал Педя Загорянски з Коцура, котри бул облєчени як Майкл Маєрс.
И тогорочни Маскенбал орґанизовал Форум младих Рускей матки, у сотруднїцтве з РКЦ, а з финансийну потримовку Роботного цела за младеж Националного совиту Руснацох.
