РУСКИ КЕРЕСТУР – У керестурскей парохиї вирни вчера преславели швето св. Оца Миколая, а на ютре будзе швето Непорочне зачатиє Богородици и Крачунска споведз.
Швето св. Миколая керестурски парохиянє преславели вєдно з преосвященим владиком Георгийом, котри вчера служел Вельку Службу Божу, а у дргих и наказовал о св. Миколайови и його добрих дїлох.
Владика пред шветом, всботу, 5. децембра, з домашнїма паноцами служел и Всеночне, а по Всеночним було традицийна програма з нагоди св. Миколая, хтору пририхтали виронаучни дзеци и шестри служебнїци.
По програми Миколай дзецом рижних ґенерацийох подзелєл 320 пакецики, дзе 100 пакецики дзецом зоз социялно загрожених фамелийох, хтори спонзоровали вирни, парохия и Церковни одбор.
У акциї „Писмо Миколайови”, хтору з вирнима орґанизовали шестри служебнїци, дзецом з фамелийох котрим то потребне подзелєни 40 дарунки.
На ютре, на швето Непорочне зачатиє Богородици на штирох Службох Божих – на 8, 10, 15 и 17 годзин, будзе нагода за Крачунску споведз, а споведац приду и священїки з других наших парохийох.
